Deur 'n vriendin van Etienne (amper 7 jr gelede). Op daardie stadium wou ek (Tersia) glad nie 'n verhouding gehad het nie. Hy het my egter 3 keer uitgevra en belowe hy gaan my glo nog eendag kry.
Wel, na 3 maande , 72 pik soentjies en vele dae van mekaar leer ken - het die prentjie egter verander.

Ons het by die waterfront gaan bootjie ry en toe is dit ek wat dit nie meer hou nie,en toe vra ek hom toe - Nou wanneer vra jy my nou weer uit?
Hy was so gekok. Hehe Hehe. Maar darem nie te gesok om my te vra vir die 4 de keer nie..

Ons was op vakansie in Jeffrey's baai einde 2006. Dit was ons 1ste vakansie saam weg see toe.

Op 31 Desember net so voor 24h00 het hy my na die hoof Vodacom toring gevat om oor die see en strand uit te kyk terwyl al ons vriende wat onder gestaan en kyk het. Toe die vuurwerke begin skiet, die mense die ou jaar begin aftel en die klok 24h00 slaan, het hy net omgedraai - so onverwags en my gevra of ek sy vrou sal word en met hom sal trou.

DIT WAS EENVOUDIG PERFEK! Maar dis net soos hy is - romanties verby!

Natuurlik het dit my meer as 'n half uur gevat om hom te kon antwoord. Die trane wou net nie opdroog nie.

Wel - julle kan seker almal raai wat die antwoord was.

Onbeskryflike vreugde en oorweldigende geluk! Ongelooflik Sprokies-mooi. Absoluut droom perfek.
Toe die kapel se deure oopgaan en ons mekaar sien - het alles net verdwyn om ons, en niks anders het saak gemaak nie - dit net ons. Mnr en Mev. Bester en ons toekoms saam.

Die emosies is net te veel om met woorde te regverdig of te verduidelik.